nahiaOSАЖЛЫН ТАЛБАР
Нууцлалын бодлого
Шинэчилсэн: 2026-08-16
nahiaOS бол байгууллагуудад зориулсан ажлын систем (ERP) ба түүний «Ажил» гар утасны апп. Энэ бодлого нь аппыг хэрэглэж буй ажилтнуудад ямар мэдээлэл цуглуулж, яагаад хэрэглэдгийг тайлбарлана.
Хамгийн чухал зүйл: апп нь ажлын мэдээллийг таны ажил олгогч байгууллагын системд хадгална. Тэр мэдээллийн эзэн нь тухайн байгууллага; nahiaOS нь зөвхөн системийг ажиллуулж өгдөг.
Цуглуулдаг мэдээлэл
- Нэвтрэлт — нэвтрэх нэр (ажлын утасны дугаараас үүсдэг) ба нэвтэрсэн сесс. Нууц үгийг сэргээх боломжгүй хэлбэрээр хадгална.
- Мэдэгдлийн хаяг — утсанд мэдэгдэл хүргэхэд шаардлагатай төхөөрөмжийн түлхүүр (Firebase). Мэдэгдэл авахыг зөвшөөрөөгүй бол үүсэхгүй.
- Ирцийн байршил — «ирлээ / явлаа» товч дарах тэр мөчид байршлыг тэмдэглэнэ (ирцийг баталгаажуулах зорилгоор). Апп нь араас нь, тасралтгүй байршил хянадаггүй.
- Ажлын бүртгэл — таны хийсэн ажил (хүргэлт, борлуулалт, даалгавар, хүсэлт) байгууллагын системд бүртгэгдэнэ.
- Техникийн бүртгэл — алдаа оношлоход шаардлагатай хэмжээнд (огноо, хүсэлтийн төрөл).
Юунд хэрэглэдэг
- Ажлын мэдэгдлийг таны утсанд хүргэх;
- ирц, хийсэн ажлыг бүртгэх (байгууллагын дотоод хэрэгцээ);
- системийн эвдрэлийг илрүүлж засах.
Бид энэ мэдээллийг зар сурталчилгаанд ашигладаггүй, гуравдагч этгээдэд зардаггүй.
Хуваалцах
- Google Firebase (FCM) — зөвхөн мэдэгдэл хүргэх зорилгоор төхөөрөмжийн түлхүүр дамжина.
- Таны ажил олгогч — ажлын бүртгэл нь тухайн байгууллагын эрх бүхий ажилтанд харагдана.
- Хуулиар шаардсан тохиолдолд эрх бүхий байгууллагад.
Хадгалах хугацаа
Ажлын бүртгэл нь тухайн байгууллагын системд, тэдний шийдвэрээр хадгалагдана. Мэдэгдлийн хаяг нь апп устгагдах эсвэл нэвтрэлт хаагдахад идэвхгүй болно.
Таны эрх
Өөрийн мэдээллээ харах, засах, устгуулах хүсэлтээ байгууллагынхаа админд хандаж гаргана — тэд системийн эзэн. Платформын талаас асуух зүйл байвал доорх хаягаар холбогдоно уу.
Хүүхэд
Апп нь ажлын хэрэгсэл бөгөөд 13-аас доош насны хүүхдэд зориулаагүй.
Өөрчлөлт
Энэ бодлого өөрчлөгдвөл шинэчилсэн огноог дээр нь бичнэ.